Во тек е изведба и поставување на атмосферска канализација на улица во населено место Јегуновце, информира градоначалникот на општината, Димитар Костадиноски.
Според него, овој инфраструктурен зафат е од големо значење за подобрување на одводнувањето на атмосферските води и спречување на поплавување при пообилни врнежи.
Костадиноски посочи дека по завршувањето на оваа фаза ќе следи поставување на нов слој асфалт, како и изградба на тротоарска патека.
Со овие активности значително ќе се подобрат условите за движење и безбедноста на сите учесници во сообраќајот.
„Продолжуваме посветено да работиме на подобрување на инфраструктурата и условите за живот во сите населени места во општината“, истакна Костадиноски.
