Според најновите податоци објавени од Евростат, Северна Македонија се најде на трето место во Европа по стапката на фемициди — убиства на жени извршени од страна на нивните интимни партнери или членови на семејството во 2023 година. Најновите бројки покажуваат дека во земјата се регистрирани 6 убиени жени на секој милион жители, што ја става веднаш зад Латвија (17/млн) и Литванија (10/млн).
Овие податоци го истакнуваат проблемот со родово-базираното насилство во Македонија, кој е повисок од просекот во Европската Унија, каде стапката за 2023 година изнесува околу 4 жени убиени на милион жители од нивните партнери.
Анализите укажуваат дека ваквите случаи најчесто произлегуваат од домашно насилство и нееднакви родови улоги, а експертите и невладините организации предупредуваат дека недоволна заштита, недостаток на засолништа за жртвите и слаба институционална реакција придонесуваат за продолжување на трагичните случувања.
Иако пред неколку години фемицидот е формално вклучен како посебно кривично дело во македонскиот Кривичен законик, активистите посочуваат дека препознавањето и превенцијата на семејното насилство на почетни фази сè уште не се во доволна мера ефективни, што честопати доведува до фатални исходи.
