Утринските температури викендов, на 7 и 8 ноември, на места ќе се спуштат под нулата, а во одделни котлини се очекува утринска магла, најави Управата за хидрометеоролошки работи (УХМР). Во текот на денот ќе има сончеви периоди.
За петок, 6 ноември, прогнозата е променливо облачно време со слаб до умерен северен ветер. Во источните делови има услови за слаб локален дожд, а температурите ќе се движат од 1 до 15 степени.
Во Скопје ќе биде променливо облачно, со слаб до умерен северен ветер и температура од 8 до 14 степени.
На почетокот на следната недела повторно ќе има услови за слаб локален дожд.
