Во наредните денови до петок ќе преовладува стабилно и суво време низ целата земја, со можност за појава на утринска магла по котлините. Температурите ќе бележат постепен благ пораст, но утрата ќе останат студени.
Времето утре ќе биде претежно сончево со мала до умерена облачност. Ќе дува слаб до умерен ветер од западен и северозападен правец, а минималните температури ќе се движат од -7, додека максималните ќе достигнат до околу 10 степени.
Во Скопје се очекува сончево и мирно време со умерена облачност. Температурите ќе бидат во интервал од -6 до 7 степени.
