Скопје, 4 септември 2025 – Игор Николов официјално ја презеде функцијата амбасадор на Република Македонија во Париз, предавајќи ги акредитивните писма на претседателот на Француската Република, Емануел Макрон.
Со ова започна неговиот дипломатски мандат, со цел унапредување на билатералните односи, зајакнување на соработката и продлабочување на партнерството меѓу двете земји, соопшти француската амбасада во Скопје.
Николов е нефролог со академско искуство во Париз. Завршил докторски студии на Медицинскиот факултет при Универзитетот „Пјер и Марија Кири“ во 2009 година и имал стручен и научен престој во болницата Некер во Париз, на Клиниката за нефрологија.
