Во воздушниот простор над Македонија е забележан италијански воен авион-танкер, за кој се претпоставува дека учествува во операции за полнење гориво на американски борбени авиони.
Според објави на социјалните мрежи, станува збор за авион со ознака MM62229 – модел Boeing KC-767A, кој е дел од италијанското воено воздухопловство (Aeronautica Militare).
Леталото било идентификувано со код 14-04 и често се користи за мисии на воздушно дополнување гориво и транспорт.
Неофицијално се наведува дека вакви операции се изведуваат над Балканот со поддршка од Италија, при што американските авиони би можеле да се снабдуваат со гориво додека се во лет.
