Во Македонија досега се регистрирани 70 случаи на западнонилска треска, покажуваат најновите податоци на Институтот за јавно здравје, заклучно со 22 септември.
Од вкупниот број заболени, 65 случаи се лабораториски потврдени, додека пет се водат како веројатни случаи, согласно важечката дефиниција за случај.
Најголем број заболени и натаму има во Скопје, каде што се регистрирани 63 случаи. Во Велес има три случаи, додека по еден случај е евидентиран во Куманово, Свети Николе и Кавадарци.
Во најновиот извештај на ИЈЗ е регистриран и првиот случај на западнонилска треска во Тетово.
Со новиот случај, заболувањето досега е потврдено во повеќе градови во земјава, но Скопје и натаму значително предничи според бројот на регистрирани случаи.
