Американец од Мејн предупредува: „Трета светска војна може да започне во секој момент – бидете подготвени“
Дерик Џејмс, 50-годишен жител на руралниот дел на Мејн, САД, кој веќе скоро две децении се подготвува за глобални кризи, ги споделува своите совети за преживување во услови на можна војна или колапс на системот. Неговите подготовки започнале уште во 2007 година, а актуелните тензии меѓу САД и Иран, како што вели, се потсетник дека „модерното општество е кревко и може да се распадне многу побрзо отколку што мислиме“.
„Геополитиката се менува за миг. Ние сме на раб, а повеќето луѓе не се ни свесни за тоа“, вели Џејмс.
Топ 7 совети за преживување според Дерик Џејмс:
Создадете залиха храна за најмалку 90 дена
Според Џејмс, во случај на глобален конфликт, прво што ќе недостига е храна. Препорачува да се складираат основни продукти како ориз, грав, пченица, конзервирана храна и готови оброци.
Обезбедете вода и опрема за филтрирање
Доволна количина чиста вода и системи за филтрација се клучни за опстанок, особено доколку дојде до прекин на водоводните мрежи.
Инвестирајте во комуникациска опрема
Во услови на прекин на мобилните мрежи и интернет, Џејмс советува набавка на рачни радија, радио-аматерски уреди и воки-токи за контакт со надворешниот свет.
Снабдете се со гориво и алтернативна енергија
Бензин, соларни панели, батерии и генератори се дел од неговите резерви. „Енергијата ќе биде луксуз во хаос“, вели тој.
Подгответе таканаречена „бејл-аут“ торба
Торбата со најосновно – документи, храна, вода, облека, прва помош и пари – секогаш треба да биде при рака во случај на итно напуштање на домот.
Ажурирајте ги личните документи
Пасошите и личните документи мора да бидат валидни. Џејмс истакнува дека сè повеќе Американци бараат и втор пасош по потекло, како алтернатива за бегство и евакуација.
Заштитете ги вашите финансии
„Никогаш не знаеш кога банкоматите ќе престанат да работат“, предупредува Џејмс. Тој советува секогаш да се има готовина, но и инвестиции во злато, сребро и офлајн криптовалути. Доколку размислувате за бегство во друга држава, имајте и локална валута од таа земја.
„Го велам ова не од страв, туку од претпазливост“
Иако неговите ставови може да изгледаат екстремни, Џејмс вели дека не е „апокалиптичен фанатик“, туку практичен човек кој научил да не ја зема стабилноста здраво за готово.
„Подготовката не значи дека верувате дека светот ќе заврши. Таа значи дека сте свесни колку брзо сè може да се промени“, заклучува тој.
