Археолози во древниот град Аттуа, во близина на денешниот Денизли во Турција, откриле спектакуларно ритуално светилиште за кое се верува дека потекнува од пред 2600–2800 години. Светото место му се припишува на Фригијците, древен народ познат по легендарниот крал Мида, чијашто влада траела помеѓу 1200 и 650 година п.н.е.
Светилиштето е посветено на божицата Матар, позната и како Кибела или Цибела, која била симбол на плодност, природа и мајчинство. Археолошкиот тим од Универзитетот Памуккале открил пештера, двоен камен идол, врежани чинии за жртвени обреди, бунари и канали користени за ритуали во чест на плодноста и жетвата.
Раководителот на истражувањето, Јилмаз Коланци, истакна дека наодите укажуваат на важна церемонијална и ритуална функција на локацијата, а траговите од жртвени приноси ја потврдуваат значајноста на светиљето во фригијската религиозна традиција.
Професорката Лин Ролер од Универзитетот во Калифорнија, Дејвис, нагласила дека новото откритие покажува проширување на фригијското влијание и потврдува континуитет на верските ритуали, слично на претходно откриените култни локалитети во Анатолија.
Истражувањата на локалитетот Аттуа сè уште траат, а научниците најавуваат дека целосните резултати ќе бидат објавени во наредните месеци, што дополнително ќе го осветли ритуалниот живот на древните Фригијци.
