Стигнаа резултатите за 2025 година. Порталот „Пари“ во соработка со Бизнис мрежа повторно ви нуди ексклузива – први да ѕирнете во остварувањата на 100-те најголеми компании по приход, добивка и број на вработени.
Серијалот ќе изобилува со табели, поенти и ќе понуди приказ за срцето на македонската економија. Во анализите не се земени предвид претпријатијата со доминантна државна сопственост, банките и финансиските институции.
Првиот поглед на податоците открива добра вест: компаниите што се рангирани како 100 најголеми по приход во 2025 година оствариле поголем приход отколку во 2024 година – растот е 5,55 насто.
