Министерката за финансии Гордана Димитриеска Кочоска оствари средба со директорката на Канцеларијата на Светска банка во земјава, Карол Межеван, на која беа разгледани приоритетите за поддршка на клучните реформи преку Рамката за партнерство 2024–2028.
Како што соопшти министерката, фокусот на соработката е насочен кон подобрување на инвестициската клима, поддршка на приватниот сектор и отворање нови работни места, унапредување на јавните услуги и човечкиот капитал, како и кон климатска адаптација и зајакнување на управувањето со јавните финансии.
