На локалниот пат кај село Русјаци, општина Македонски Брод, вчера попладне се случи тешка сообраќајна несреќа што заврши трагично за една жена. 41-годишната К.С.С. од Кичево го загуби животот откако автомобилот „Цитроен“ со кичевски регистарски ознаки, управуван од нејзиниот сопруг, излета од коловозот и се преврте.
Жената на местото на несреќата се здоби со смртоносни повреди, а лекар ја констатира смртта. Нејзиното тело е предадено на обдукција по наредба на јавен обвинител.
Во несреќата, освен трагично настраданата, повреди претрпеа и сопатниците: С.С. (69), М.С. (62) и едно шестгодишно дете. Тие веднаш беа пренесени во Општа болница Прилеп, каде им беше укажана итна медицинска помош.
