Три лица се повредени во сообраќајна несреќа што се случила на 25 август 2025 година околу 14:45 часот на магистралниот пат Кичево-Гостивар, во близина на Тајмишката раскрсница.
Според информациите од МВР, патничко возило „Фолксваген Венто“ со кичевски регистарски ознаки, управувано од Н.Д. (54) од Кичево, излетало од коловозот.
Во несреќата возачот се здобил со тешки телесни повреди, додека сопатничките Б.М. (53) и А.Д. (76), двете од Кичево, добиле телесни повреди. Повредените биле пренесени во Медицинскиот центар во Кичево каде што им била укажана лекарска помош.
На местото на несреќата бил извршен увид од екипа на ОВР Кичево.
