Нови објави на социјалните мрежи отворија дополнителни прашања околу однесувањето на тинејџерот осомничен за смртната сообраќајна несреќа во скопската населба Капиштец, во која животот го загуби Љуба Јаковлеска.
На профили на Инстаграм се појавија видеа за кои се тврди дека му припаѓаат на Саит Саитов, во кои тој и претходно се снима како управува возило со брзина поголема од дозволената. Дел од објавите, според достапните информации, потекнуваат од период кога имал 17 години, а во нив се гледа возење со автомобил „фолксваген пасат“.
Истиот модел возило, според истрагата, бил инволвиран и во трагичната несреќа во Капиштец. По настанот, осомничениот го напуштил местото и по него е распишана меѓународна потерница.
Надлежните институции продолжуваат со потрагата и со прибирање докази, а објавите на социјалните мрежи се предмет на проверка како можен дел од пошироката истрага за случајот.
