Полицијата уапси 19-годишен жител на Струга, осомничен за изнуда на 20.000 евра од охриѓанец. СВР Охрид поднесе кривична пријава против Л.П. поради постоење основи на сомнение за сторено кривично дело „изнуда“ по член 258 од Кривичниот законик.
Според истрагата, во периодот од 4 до 12 август 2025 година, осомничениот преку мобилна апликација испраќал пораки со закани до оштетениот, барајќи му 20.000 евра. По преземени посебни истражни мерки од СВР Охрид и Одделот за криминалистичка полиција, на Л.П. му биле предадени обележани пари, кои биле пронајдени кај него при апсењето.
Осомничениот е приведен и со судска одлука му е одреден притвор, по што е спроведен во Казнено-поправната установа Затвор Охрид.
