Дваесет и шестгодишниот К.Б. од Прилеп пријавил во СВР Тетово дека тој и уште четири лица биле нападнати пред угостителски објект на улицата „Илинденска“ во Тетово.
Според пријавата, инцидентот се случил на 13 јули околу 03:00 часот, кога К.Б., заедно со неговите пријатели Д.П. и М.Д. од Скопје, М.С. од Прилеп и С.Р. од Тетово, биле нападнати од група лица кои употребиле тврди предмети.
Случајот бил пријавен во СВР Тетово на 14 јули во 21:20 часот. Од полицијата информираат дека се преземаат мерки за целосно расчистување на настанот и утврдување на сите околности.
