Во раните утрински часови во близина на Кисељак се случила тешка семејна трагедија во која 54-годишен маж од Босна и Херцеговина усмртил една жена, а тешко ја ранил својата сопруга, по што бил уапсен по интензивна полициска потрага.
Според информациите од полицијата, инцидентот бил пријавен пред осум часот наутро во населбата Јеховац. Осомничениот, подоцна идентификуван како М.П. (1972 година, Кисељак), испукал куршуми кон две жени кои се членови на неговото најтесно семејство: неговата сопруга и нејзината мајка.
Од здобиените повреди, мајката на сопругата починала на лице место, додека жената била итно пренесена на медицински третман со повреди од огнено оружје.
По нападот, мажот побегнал од местото на настанот, што предизвикало обемна полициска акција во регионот. Во потрагата биле вклучени и безбедносни служби, меѓу кои и Агенцијата за разузнавање и безбедност.
Нешто подоцна, осомничениот бил лоциран и приведен, при што бил затекнат со видливи повреди. По апсењето, тој бил префрлен во Клиничкиот центар на Универзитетот во Сараево, каде што му е укажана медицинска помош.
Според првичните и неофицијални информации, се претпоставува дека по пукањето осомничениот се повредил и самиот себеси, но истрагата за мотивите и околностите на овој крвав настан сè уште е во тек.
