Четворица возачи ќе се соочат со законски предвидените глоби по попречувањето на сообраќајот на булеварот „Јане Сандански“ во скопски Аеродром. Полицијата постапила по видеото од свадбената колона, кое беше објавено во дел од медиумите.
Во Одделението за безбедност на патниот сообраќај при СВР Скопје вчера биле повикани Д.Г. (28) и Љ.Б. (48), кои управувале возила „ауди“, М.П. (25), кој управувал „БМВ“, и С.С. (23), кој управувал „сузуки“. Сите возила имале скопски регистарски ознаки.
Против возачите се преземени мерки согласно Законот за безбедност на сообраќајот на патиштата за сторениот сообраќаен прекршок.
