Во тек е истрага на полицијата во Тетово по пријава за физички напад врз два малолетници, случен на 22 јули околу 22:45 часот кај влезот на стадионот на АМЦ во Тетово. Случајот бил пријавен во СВР-Тетово на 23 јули во 00:50 часот од страна на Н.З. (43) и К.В. (36) од селото Брвеница, заедно со нивните малолетни синови.
Според пријавата, додека малолетниците стоеле пред локал кој не работел, биле нападнати од група од осум непознати малолетници на возраст од 15 до 17 години.
Полицијата презема мерки за целосно расчистување и документирање на случајот, а мотивите и околностите за нападот засега не се познати.
