Две лица од Дебар се лишени од слобода поради сомневање дека заедно со уште едно лице предизвикале пожар во Градскиот парк.
Станува збор за М.Ф.(41) и А.Р.(38), кои според полицијата околу 19:30 часот на 12 септември го запалиле стрништето во паркот. Интензивно се трага и по третото лице вмешано во инцидентот.
Јавниот обвинител е известен, а по целосно документирање на случајот ќе следи соодветна кривична пријава по член 288 од Кривичниот законик.
Пожарот во Градскиот парк го потресе локалното население, а полицијата апелира за совесно однесување за да се избегнат вакви опасни инциденти.
