Мал спортски авион се урна денес околу 11:20 часот во близина на Медулин, во регионот Истра, при што според официјални информации загинаа најмалку четири лица. Несреќата се случила во ненаселено подрачје Кампанож, меѓу градовите Пула и Медулин.
Полицијата ја потврди пријавата околу 11:18 часот, по што на терен веднаш биле испратени противпожарни единици, екипи на итна медицинска помош и медицински хеликоптер. Според првичните информации, авионот при ударот во земјата се распаднал.
Очевидци за локалните медиуми изјавиле дека леталото, кое требало да слета на спортскиот аеродром во Медулин, изгубило контрола и направило спирално движење пред да удри во земјата. Се наведува дека пилотот бил искусен.
Според неофицијални информации, авионот полетал од Германија и летот не бил уредно најавен во хрватскиот воздушен простор. Во тек е истрага за причините за несреќата, а на терен работат воздухопловни инспектори и истражни служби.
