Синоќа, на автопатот кај местото Добановци, автобус со македонски регистарски таблички излетал од коловозот, јавуваат српските медиуми. Засега нема информации за состојбата на патниците и возачот, но се знае дека еден друг возач на автобус веднаш застанал за да им пружи помош.
Србија во последните 24 часа е зафатена од обилни снежни врнежи. Според утринскиот извештај на ЈП „Патишта на Србија“, објавен во 5:09 часот, снежната покривка достигнува до пет сантиметри на многу делници од најпрометните автопатни правци, како и на патишта со втор и трет приоритет за одржување. Надлежните апелираат до возачите да бидат исклучително внимателни, бидејќи коловозот е влажен и лизгав.
