Иранските власти соопштија дека се приведени 25 лица под сомнение за соработка со странски разузнавачки структури, објавија локалните медиуми.
Според Министерството за разузнавање, најголем дел од уапсените – вкупно 23 лица – се приведени во покраината Марказ, во западно-централниот дел на земјата. Тие се сомничат дека споделувале информации за воени локации со меѓународна медиумска платформа за која властите тврдат дека е поврзана со Израел, како и дека учествувале во активности насочени кон поттикнување немири.
Дополнително, уште две лица се уапсени во североисточната покраина Голестан, под обвинение дека подготвувале напади врз полициски објекти, пренесе новинската агенција Мехр.
Во соопштението се наведува и дека се евидентирани активности на 15 лица кои се наоѓаат надвор од земјата, а за кои се тврди дека дејствувале како агенти и користеле персиски јазик во комуникацијата.
Иранските власти повторно упатија предупредување до своите државјани во странство да не воспоставуваат врски со организации поврзани со САД и Израел, нагласувајќи дека во спротивно може да се соочат со правни последици, вклучително и конфискација на имот во земјата.
