Министерството за внатрешни работи на Србија соопшти дека во писмо адресирано до министерот Ивица Дачиќ биле пронајдени три куршуми. Пратката била откриена при безбедносна проверка со рендгенски уред, кога било утврдено дека во пликот се наоѓаат проектили.
Според досегашните информации од истрагата, пликот бил предаден на 26 август во канцеларијата на Поштата на Србија во Пожаревац. Полицијата го идентификувала и пронашла лицето кое го предало пакетот, а во тек се понатамошни активности за утврдување на сите околности околу настанот.
МВР на Србија нагласи дека ги презема сите законски мерки и дејствија за заштита на безбедноста на граѓаните и институциите на државата.
