Јужен Пелион, 28 август 2025 – Инцидент на плажата Цитикас во Јужен Пелион заврши со апсење на три лица откако вербална расправија ескалираше во физички судир.
Според грчките медиуми, двајца мажи од Атина одлучиле да пливаат без костими за капење, што го налутило оженет маж кој престојувал на плажата со сопругата и децата. Туркањето и тепачката предизвикале шок кај останатите туристи.
Полицијата пристигнала на место на настанот и ги привела учесниците. Сите тројца се товарат за непристојно однесување, физички напад и нарушување на јавниот ред и мир. Двајцата aтињани поднеле тужба за напад, а мажот од плажата возвратил со контра тужба, поради што сите тројца ја поминале ноќта во притвор.
