Службени лица од СВР Тетово го лишиле од слобода З.Б. (75) од тетовско, поради постоење основи на сомнение за сторено кривично дело „полово вознемирување“, соопшти Министерството за внатрешни работи.
Според информациите, случајот бил пријавен на 11 август од страна на 42-годишна жена од тетовско, која навела дека З.Б. полово ја вознемирувал нејзината малолетна ќерка.
По добиена судска наредба, полициските службеници извршиле претрес во домот и помошните простории на осомничениот, при што биле пронајдени и одземени мобилен телефон, лаптоп, ресивер и други предмети.
Од МВР информираат дека по целосно документирање на случајот ќе биде поднесен соодветен поднесок.
