
Десет деца се повредени во сериозен инцидент што се случил на 17 ноември во трговскиот центар „Галерија“ во Белград, откако дошло до масовен пад на подвижни скали.
Според информациите објавени во српските медиуми, повредените деца се на возраст од осум и девет години, а меѓу нив има пет момчиња и пет девојчиња.
Првичните информации укажуваат дека седум деца се здобиле со потешки повреди, додека три имале полесни повреди. Од Универзитетскиот клинички центар на Србија на 18 ноември соопштија дека три од десетте деца биле хируршки згрижени.
Според една од верзиите за несреќата, на едно дете му се заглавила врвката од обувката во механизмот на подвижните скали, по што изгубило рамнотежа и паднало. Другите деца што се движеле непосредно зад него не успеале навреме да застанат, поради што дошло до верижен пад. Оваа верзија засега не е официјално потврдена.
На местото на несреќата интервенирале пет екипи на Итната медицинска помош. Повредените деца биле пренесени во Ургентниот центар во Белград.
На снимките објавени од српските медиуми се гледа како медицинските екипи ги изнесуваат повредените деца на носила и им укажуваат помош.
Во истрагата се вклучило и надлежното обвинителство, кое наредило прибирање снимки од безбедносните камери и документација за да се утврдат точните околности под кои се случила несреќата.
…DRAMA U TC GALERIJA U BEOGRADU! VIŠE OD 15 DECE POVREĐENO NA POKRETNIM STEPENICAMA!Prema prvim informacijama, više od 15 dece palo je na pokretnim stepenicama u tržnom centru Galerija u Beogradu. Na lice mesta navodno su upućene tri ekipe Hitne pomoći.Posebno potresaju navodi da je jednoj devojčici kosa ostala zaglavljena u mehanizmu pokretnih stepenica, zbog čega je zadobila ozbiljnu povredu glave.— Molitva Duse (@MolitvaDuse)November 17, 2026























