Полицајци од Полициската станица Запад во Тузла се под интерна истрага откако на социјалните мрежи се појави вознемирувачка снимка на која се гледа како еден од нив удира малолетник за време на службена интервенција.
Инцидентот се случил на 1 мај околу 17 часот, кога полицијата запрела малолетно лице родено 2010 година, кое управувало велосипед поради сообраќаен прекршок.
Според информациите од полицијата, при контролата бил констатиран и прекршок од областа на јавниот ред и мир. Сепак, на видеото кое брзо се прошири во јавноста се гледа моментот кога еден од полицајците физички го удира момчето, што предизвика бурни реакции кај граѓаните.
Од Министерството за внатрешни работи на Тузланскиот кантон соопштија дека случајот е предаден на Одделението за професионални стандарди, кое ќе ја испита постапката на службениците и ќе утврди евентуална дисциплинска одговорност.
Надлежните најавија дека по завршување на внатрешната проверка ќе бидат познати повеќе детали и можни мерки против инволвираните полицајци.
