Силен земјотрес ја погоди Грција – ова се деталите

Земјотрес од 4,1 степен регистриран близу Санторини – епицентарот во Егејското Море

Земјотрес со јачина од 4,1 степен според Рихтеровата скала е регистриран рано утринава, во 02:25 часот, во Егејското Море, во близина на грчкиот остров Санторини.

Според податоците на Геодинамичкиот институт при Националната опсерваторија во Атина, епицентарот се наоѓал на 13 километри југозападно од селото Аркесини, на островот Аморгос. Земјотресот е забележан на длабочина од 11,1 километар.

Засега не се пријавени информации за причинета материјална штета или повредени лица.