Поранешната фудбалска ѕвезда со богата интернационална кариера Димитар Иванов Бербатов е назначен за советник на службениот премиер на Бугарија, објавија бугарските медиуми.
Ова е негово прво формално ангажирање во извршната власт по завршувањето на богатата спортска кариера.
Бербатов е роден во Благоевград, (Горна Џумаја) град во Пиринскиот дел на Македонија, од каде потекнува и го започнал фудбалскиот пат во локалниот клуб Пирин.
Во јавноста со години е познат и по прекарот „Мите Македончето“, кој се користи како опис на неговото потекло.
Актуелниот премиер на Бугарија пак, Андреј Ѓуров, исто така потекнува од Пиринскиот регион – роден е во градот Гоце Делчев, историски познат како Неврокоп.
Така, на врвот на бугарската извршна власт и во неговиот советнички тим се најдоа две личности со корени од географската област Македонија.
Бербатов, кој играше за Манчестер Јунајтед, Тотенхем и Баер Леверкузен и важи за еден од најуспешните бугарски фудбалери, по завршувањето на кариерата беше активен во фудбалската администрација и јавниот живот, а сега добива и директна политичка улога.
