Рано утрово пред Народното собрание во Белград, 27-годишен маж со нож нападнал 37-годишник, соопштија српските власти. Повредениот, идентификуван како М.Н., добил убодна рана над коленото и бил пренесен во Ургентниот центар, додека напаѓачот Д.П. веднаш бил уапсен и задржан во 48-часовен притвор.
Министерството за внатрешни работи нагласи дека станува збор за дело на лесна телесна повреда и дека не се работи за терористички напад, како што првично се шпекулираше.
Српскиот претседател Александар Вучиќ изјави дека граѓаните не треба да се плашат и додаде дека „државата нема да дозволи сценарија на уличен хаос“. Тој нагласи дека институциите ќе реагираат строго на секој обид за нарушување на јавниот ред и мир.
