Авиони на грчкото воено воздухопловство исфрлија 8,5 тони основни прехранбени производи во Газа, во акција организирана во соработка со земји од Европската Унија и Блискиот Исток. Целта е поддршка на основните потреби на населението во регионот.
„Грција ќе продолжи да презема иницијативи за итен прекин на непријателствата, ослободување на заложниците и непречен проток на хуманитарна помош кон Газа. Должност на сите нас е веднаш да запре човечкото страдање,“ напиша грчкиот премиер Киријакос Мицотакис на Фејсбук.
