На социјалните мрежи се споделува вознемирувачка снимка од безбедносна камера која го забележала моментот на силна експлозија предизвикана од истекување на плин од плинска боца во куќа на засега непозната локација.
На видеото се гледа како жена се обидува да ја изнесе боцата надвор, но ја испушта непосредно пред вратата. Плинот продолжува да истекува, а откако боцата се испразнила, таа и уште еден маж повторно влегле во куќата. Иако вратите и прозорците биле отворени, во кујната најверојатно останал активен извор на пламен, по што дошло до силна експлозија која за миг ја зафатила целата куќа.
За среќа, двајцата успеале навреме да избегаат и да преживеат. Снимката е уште едно предупредување колку опасно може да биде истекувањето на плин, дури и во навидум добро проветрени простории.
