Во Саудиска Арабија денеска беше реализиран импресивен транспорен подвиг – најголемиот резервоар за компримиран течен гас (LNG) во светот беше префрлен од крајбрежниот град Дамам до главниот град Ријад, пренесуваат странски извори и видеоснимки објавени на социјалните мрежи.
Резервоарот, кој служи за складирање големи количини на течен природен гас, беше поставен на специјални тешки транспортери и со придружба на надлежни служби беше движен во текот на ноќта по патиштата што водат низ источниот дел кон центарот на земјата – должина што подразбира огромна логистика и координација.
Овој потфат е дел од пошироките инвестиции на Саудиска Арабија во енергетскиот сектор, каде што земјата не само што е водечки производител на нафта, туку исто така настојува да ја зајакне својата улога и како значаен извозник и конзумент на природен гас. Пронајдените огромни резерви на гас во полето Јафура – проценети на милијарди кубни метри – дополнително ја поткрепуваат оваа стратегија за диверзификација на енергетските ресурси.
Стручњаците наведуваат дека транспортирањето на тако гигантски структури е исклучително предизвикувачко поради големата тежина, обем и потребата за безбедно маневрирање на јавни патишта, но овие операции го демонстрираат техничкиот капацитет и плановите на Саудиска Арабија во енергетскиот сектор.
Оваа акција привлече внимание и на социјалните медиуми, каде многумина ја нарекоа „индустриска сензација“ и симбол на технолошките можности на блискоисточната држава која продолжува да вложува во инфраструктура и енергетски развој за иднината.
