ВИДЕО: Масовни воздушни удари врз Техеран

Во текот на денешниот ден, Израелските одбранбени сили и американските сили спроведоа нова серија масовни воздушни напади врз цели во иранската престолнина Техеран, како и на други стратешки позиции на ирански безбедносни служби, соопштија официјални извори. 

Според израелската армија, нападите беа насочени кон штабови на Корпусот на револуционерната гарда, регионални командни центри, системи за противвоздушна одбрана и други клучни безбедносни објекти во Техеран и околината. 

Оваа воена офанзива е дел од проширениот конфликт меѓу Израел, САД и Иран што влезе во петтиот ден, поради што напнатоста во регионот значително се зголеми и предизвика реакција од повеќе земји и засилени воздушни и ракетни акции од двете страни.