ВИДЕО: Иран со нов ракетен бран кон Израел – првпат употребена ракетата „Хаџ Касем“

Иранската Исламска револуционерна гарда (ИРГК) соопшти дека започнала нов бран напади врз Израел, во рамки на 59-тата фаза од операцијата „Вистинско ветување 4“, при што за првпат била употребена напредната ракета „Хаџ Касем“.

Според иранските медиуми, нападите биле насочени кон повеќе локации во Израел, вклучително и Тел Авив, Ерусалим и Бејт Шемеш.

Во соопштението на ИРГК се наведува дека покрај израелските цели, биле таргетирани и американски воени бази во регионот, меѓу кои базата Ал Удеид во Катар, Али ал Салем во Кувајт, Фуџаира во Обединети Арапски Емирати, Шеик Иса во Бахреин и Ербил во Ирак.

Иранските власти тврдат дека нападите се дел од поширока воена операција, додека засега нема независна потврда за обемот на штетите или евентуалните последици од нападите.