ВИДЕО: Иран погодил американски Ф-35?

Американски стелт борбен авион Ф-35 мораше да изврши итно слетување во база на Блискиот Исток откако беше погоден од ракета, за која се верува дека потекнува од Иран, јавуваат извори на Си-Ен-Ен запознаени со настанот.

Капетанот Тим Хокинс, портпарол на американскиот команден центар, потврди дека авионот од петта генерација „вршел борбена мисија над Иран“ кога се случил инцидентот. Авионот слета безбедно, а пилотот е во стабилна состојба.

„Авионот слета безбедно и пилотот е во стабилна состојба. Овој инцидент е под истрага“, изјави Хокинс.

Американскиот министер за војна, Пит Хегсет, претходно денеска изјави дека САД „дефинитивно победија“ и дека иранските системи за воздушна одбрана се „целосно уништени“.

За потсетување, еден авион Ф-35 чини околу 100 милиони долари.