Во најновиот пресврт по драматичните настани во Венецуела, вооружените сили на земјата ја признаа потпретседателката Делси Родригез за привремена претседателка, откако поранешниот претседател Николас Мадуро беше уапсен и пренесен во САД во рамките на голема американска операција.
Во соопштението дадено од министерот за одбрана, Владимир Падрино Лопез, се потврдува дека Армијата ја поддржала одлуката на Врховниот суд да ја назначи Родригез како вршител на должноста претседател за наредните 90 дена, со цел да се обезбеди административна континуитет и стабилност во земјата во услови на голема политичка неизвесност.
Родригез, која долго време била блиска соработничка и потпретседателка на Мадуро, во својата прва јавна изјава осуди американската операција како нелегална и агресивна и повика на ослободување на поранешниот претседател. Истовремено, таа повика на мир и враќање на нормалниот живот и активности во Венецуела.
Меѓутоа, ситуацијата останува комплексна: американскиот претседател Доналд Трамп упати остри пораки до Родригез, предупредувајќи дека ќе има „многу висока цена“ ако не соработува со САД, што дополнително ја засилува тензијата околу иднината на земјата.
