Американскиот претседател Доналд Трамп изјави дека не е сигурен дали рускиот претседател Владимир Путин навистина сака да ја заврши војната во Украина. Неговата проценка следи еден ден по изјавата дека Украина и Русија се „многу блиску до договор“.
– Ова е војна на Џо Бајден, а не моја. Никогаш не требаше да се случи и беше осудена на пропаст од самиот почеток. Сега само се обидувам да го исчистам нередот оставен од Обама и Бајден – рече Трамп.
Тој, сепак, остро го осуди ракетирањето на цивилни области од страна на Русија:
– Со оглед на тоа што премногу луѓе умираат, мислам дека можеби Путин и не сака да ја запре војната, само ме „тапка“ по рамо. Затоа мора да се применат други мерки, можеби финансиски или други санкции – напиша Трамп на својата социјална мрежа „Truth Social“.
