Градоначалникот на Општина Бутел, Дарко Костовски, информира дека вечерва повторно е подметнат пожар во близина на новоизградената детска градинка и училиштето „Св. Климент Охридски“.
Брзата интервенција на полицијата и пожарникарите спречи ширење на огнената стихија, а според првичните информации станува збор за намерно подметнување.
„Тоа што го градиме треба да го чуваме, овие неразумни пориви нема да не донесат никаде“, изјави Костовски.
МВР работи на целосно расветлување на случајот, а во наредниот период ќе бидат воведени и ноќни полициски патроли. На терен е активиран и општинскиот кризен штаб.
