Американски и украински претставници разговараат за можната посета на украинскиот претседател Володимир Зеленски на Вашингтон оваа недела, каде што би имал средба со претседателот на САД, Доналд Трамп, за да разговараат за предлогот за мировен план, изјавија денес два извора упатени во процесот.
Еден од изворите наведува дека главната цел е Трамп и Зеленски да поразговараат за најчувствителните точки од американскиот предлог, меѓу кои и прашањето за територијата, пренесува Ројтерс.
„За сега датумот не е потврден“, изјави изворот.
САД на Украина ѝ доставија мировен план од 28 точки, кој, според медиумите, предвидува меѓу другото Украина да отстапи дел од својата територија, да ја преполови армијата и никогаш да не се приклучи кон НАТО.
