Вашингтон и Москва интензивно работат на постигнување договор за крај на војната во Украина, кој ќе ја легализира руската контрола над окупираните територии, јавуваат извори блиски до преговорите.
Договорот, кој би бил претставен на планираниот состанок помеѓу претседателите Доналд Трамп и Владимир Путин, можеби ќе се одржи веќе следната недела. Вашингтон се обидува да обезбеди поддршка од Киев и европските сојузници, но исходот сè уште е неизвесен.
Путин инсистира на предавање на целиот Донбас, вклучувајќи ги Луганск и Доњецк, како и Крим, кој Русија го анектираше во 2014 година. Овој потег би значел територијален пораз за Украина, која ќе мора да се повлече од делови што ги контролира, додека Москва би добила значајна воена победа.
Дел од договорот предвидува замрзнување на конфликтот и запирање на офанзивите во регионот Херсон и Запорожје, но детали сè уште се менуваат.
Состанокот меѓу Трамп и Путин, кој ќе се одржи на непозната локација, е подготвен да започне преговори и технички разговори за траен мир.
Трамп порача дека ќе направи сè за да ја запре војната, додека Путин останува на своите услови – Украина да стане неутрална, да се откаже од членството во НАТО и да го признае губењето на окупираните територии.
Украинската страна, пак, категорично одбива да го признае овој договор, а Западот се плаши дека би останал единствен надзорник на примирјето.
Дали сме пред историски прекин на конфликтот кој ја тресе Европа веќе три години? Следува да видиме.
