Русија одговори на предупредувањето на американскиот претседател Доналд Трамп, кој тврдеше дека недостигот од бензин е знак дека руската економија е пред колапс.
Заменик-премиерот на Русија, Александар Новак, изјави дека снабдувањето со гориво на домашниот пазар е стабилно и дека нема причини за загриженост.
„Имаме стабилно снабдување и не гледаме никакви проблеми. Се одржува рамнотежа меѓу производството и потрошувачката, а Владата и надлежните министерства преземаат мерки за тоа да остане така“, рече Новак, пренесува Ројтерс.
Трамп претходно изрази разочарување од рускиот претседател Владимир Путин, наведувајќи дека тој не покажува подготвеност да го заврши конфликтот во Украина.
