Извор: Дневник.хр
Возачите во германската регија Рајна-Мајн се соочија со утринско изненадување кога нивните навигациски апликации, вклучително и Google Maps, прикажуваа дека еден од главните автопати е затворен, иако патот цело време беше прооден.
Автопатот А3, на потегот помеѓу Нидерхаусен и Висбаден, според дигиталните мапи требаше да биде недостапен токму во време на утринскиот шпиц. Реално, меѓутоа, сообраќајот тече непречено. Лажната информација предизвика масовно пренасочување на возачите кон локалните патишта, што резултираше со сериозни сообраќајни гужви.
Портпаролот на полицијата потврди дека станува збор за техничка грешка во системот на Google. „Автопатот А3 цело време беше отворен за сообраќај“, истакна тој, додавајќи дека во текот на утрото службите добиле повеќе повици од возачи кои прашувале дали навидум затворениот пат е повторно прооден.
Последиците од неточната информација беа веднаш видливи: многу возачи го напуштија автопатот кај излезот Niedernhausen и продолжија по руралните патишта, што предизвика застој на самиот излез, а пренасочениот сообраќај се прошири и на соседните федерални патишта, според извештаите на Hessenschau и радио FFH.
