Францускиот претседател Емануел Макрон порача дека западните сојузници не треба да попуштаат пред руските закани, по најавата на Доналд Трамп за енергетско примирје меѓу Русија и Украина.
За време на посетата на Автомобилскиот саем во Париз, Макрон изјави дека нема фактички причини за промена на досегашниот став кон војната, пренесе весникот „Депеш“. Според него, руските напади врз украинската енергетска инфраструктура продолжиле и во изминатите часови.
Францускиот претседател ја поддржа потребата од прекин на нападите врз енергетските објекти, додавајќи дека треба да се запрат и нападите врз објекти во Црното Море. Истовремено, се заложи за продолжување на мировните преговори.
„Не за отстапки пред руските закани“, порача Макрон и најави дека во текот на денот ќе разговара со Трамп.
Неговата реакција доаѓа по американската најава за енергетско примирје и договорот за испораки на руски дизел на светскиот пазар.
