Саботата во Кранс-Монтана помина во знакот на сеќавање на жртвите, повредените и нивните семејства по трагичниот пожар во барот „Le Constellation“. На местото на несреќата, илјадници цвеќиња и свеќи создадоа „море на тага“, заменувајќи го црниот чад од претходните денови.
Роднините и пријателите на загинатите се гушкаа и плачеа, додека за многумина денот донесе потврда дека нивните најблиски се меѓу жртвите. Емотивни сцени беа забележани и кај спасувачите – група пожарникари одржа минута молк, а присутните им оддадоа аплауз.
Светлата точка дојде од спортските терени. Скијачката Камил Раст, која триумфираше на велеслаломот во Крањска Гора, ја посвети победата на жртвите, испраќајќи порака на солидарност и сеќавање.
Вечерта, камбаните на католичката црква во Кранс-Монтана биеја десет минути, додека отец Александар одржа миса за загинатите. Атмосферата беше толку емотивна што поединечни млади верници не можешеа да ја издржат болката и мораа да ја напуштат црквата.
Официјалниот биланс на трагедијата засега останува непроменет: најмалку 40 загинати и 119 повредени.
