Кралицата на Холандија се потсмеваше со Трамп? Снимката веднаш стана вирална [ВИДЕО]

Кралицата на Холандија во центарот на контроверзија: Се потсмеваше ли на Доналд Трамп?

Холандската кралица Максима се најде во фокусот на јавноста и предизвика остри, но и пофални реакции на социјалните мрежи, откако се појави видео-снимка на која, според голем дел од корисниците, таа делува како да се потсмева на американскиот претседател Доналд Трамп — додека стои веднаш до него.

Сцената е снимена за време на неговата посета на Холандија, по повод НАТО самитот, каде што Трамп се сретна со кралот Вилем-Александар и кралицата Максима. При заедничкото фотографирање, Трамп го направи својот препознатлив гест со подигнат палец, додека кралот се насмевна и му упати неколку зборови.

Во тој момент, камерата ја фатила кралицата Максима како прави мимики со усните и лицето, што многумина на интернет го протолкуваа како саркастично имитирање на Трамповиот говор и однесување.

Снимката брзо стана вирална, со поделен прием во јавноста. Дел од коментарите ѝ аплаудираат на кралицата за, како што велат, неформалниот став и храброста да покаже лична позиција. Други, пак, нејзиниот гест го оценија како „непочитување кон странски државник“ и како „непримерно однесување за член на кралското семејство“.

„Никогаш не сум бил обожавател на монархии, но кралицата Максима е легенда! Го третира како бебе“, напиша еден корисник на социјалните мрежи. Од другата страна, критиките беа остри: „Колку ниско може да падне ‘кралицата на холандскиот народ кој не постои’? Одвратно.“

Холандската кралска палата досега нема официјален коментар по оваа случка.