Проруски хакери започнаа глобална кибер-кампања насочена кон сметките на Signal и WhatsApp, кои ги користат владин персонал, војници и новинари, предупредија Холандската општа разузнавачка агенција (AIVD) и Холандската воена разузнавачка и безбедносна служба (MIVD).
Според извештајот на агенциите, хакерите ги измамуваат корисниците да откриваат безбедносни проверки и ПИН-кодови, што им овозможува пристап до лични сметки и групни разговори. „Руските хакери веројатно добиле пристап до чувствителни информации“, соопштија AIVD и MIVD, додавајќи дека меѓу жртвите се и вработени во холандската влада и новинари.
Апликациите за разговор со енкрипција од крај до крај се популарни за споделување доверливи информации, што ги прави примамлива цел за злонамерни актери. WhatsApp нагласи дека корисниците никогаш не треба да го споделуваат својот шестцифрен код и продолжува да развива механизми за заштита од онлајн закани.
„Сигнал“ соопшти дека нападите се изведени преку софистицирани фишинг кампањи и дека нивната инфраструктура не е компромитирана. Најчесто хакерите се претставуваат како услуги на „Сигнал“ за да ги измамат корисниците да откријат кодови, а друг метод вклучува злоупотреба на функцијата „поврзани уреди“.
