Американскиот авион Е-3 Сентри Авакс беше уништен во ирански ракетен и беспилотен напад врз воздухопловната база „Принц Султан“ во Саудиска Арабија на 27 март, објавија американските медиуми „Фокс Њуз“ и „Волстрит Журнал“, како и Дифенс Индустри Јуроп.
Во нападот беа ранети повеќе од 10 американски војници, од кои двајца се потешко повредени, а оштетени се и авиони за танкирање гориво на базата. Според анализите на магазинот „Ер&Спејс Форсис“, фотографиите прикажуваат значителна штета на Е-3 Авакс, иако нивото на оштетување сè уште не е независно потврдено.
Ако информациите се потврдат, штетата на Авакс би можела да биде непоправлива. Пред нападот, во базата биле паркирани шест вакви авиони. Авионите Авакс се клучни за американските воздушни операции од 70-тите години, овозможувајќи командување, надзор, разузнавачки и извидувачки функции. Тие беа интензивно користени во операции како „Пустинска олуја“, војната во Косово, како и во Ирак, Авганистан и против Исламска држава.
Портпаролот на американската Централна команда одби да го коментира нападот.
