Техеран испрати недвосмислена порака дека без исполнување на неговите услови, нема да има смирување на тензиите со Вашингтон и Тел Авив. Во настап за руската агенција ТАСС, иранскиот амбасадор во Москва, Казем Џалали, ги образложи клучните позиции на Иран, потенцирајќи дека тие не се предмет на компромис.
Во сржта на барањата е итно и трајно запирање на, како што Иран ги квалификува, непријателските и терористички активности насочени кон земјата. Понатаму, Техеран инсистира на цврсти и проверливи гаранции дека вакви сценарија нема да се повторат, ставајќи акцент на долгорочната безбедност.
